stampa
1296 settembre 8, Pistoia.
In Christi nomine, amen. Ugolinus condam Belcari de Serravalle et Mellioratus filius eius, de consensu et voluntate dicti sui patris presentis et consentientisa, simul et in solidum | habuerunt et receperunt | mutuo, ut fuerunt in veritate confessi, a Rosone condam Iacopi de cappella Sancti Pauli, libras | centum triginta bonorum denariorum florinorum parvorum et sex congia et dimidii vini maturi. Quos | denarios et dictas sex congia vini et dimidii dicti debitores simul et in solidum promiserunt et convenerunt | reddere ac restituere suprascripto creditori vel suis heredibus aut eius certo nuntio hinc ad unum annum proximum venturum, | sine aliqua exceptione et libelli petitione; et omnia dampna et expensas et nuntii vectigalia, que propter fierent, | resarcire in causa et extra, ad penam dupli dictorum denariorum et eximationis dicti vini, stipulaverunt, promisserunt, | obligaverunt exinde simul et in solidum sese et eorum heredes et bona. Renuntiantes fori privilegio et exceptioni eis non date et non habite | et non mutuo accepte pecunie suprascripte et non dati et non habiti et non mutuo accepte dicti vini et beneficio de duobus | reis debendis et nove constitutionis de fideiussoribus et omni alii eorum iuri et exceptioni et legum auxilio. Preterea Iuncta condam | Melii et Vante condam Tancredi de Serravalle, precibus et mandatis dictorum debitorum, sese in dicto debito et in pre|dictis omnibus observandis simul et in solidum apud dictum creditorem fecerunt et constituerunt principales pagatores et debitores, obligantes | exinde simul et in solidum sese et eorum heredes et bona; renuntiantes beneficio de duobus reis debendis et nove constitutioni de fideiussoribus | et epistole divi Adriani et omni alii legum auxilio. Quibus principalibus et fideiussoribus et cuilibet eorum volentibus et confitentibus, ego | Paulus notarius infrascriptus precepi ut predicta omnia debeant observare in dicto termino. Insuper dicti debitores simul et in solidum | pacto promiserunt dicto creditori ita facere et curare quod uxores eorum dicto debito et obligatione bonorum consentient et parabulam | eorum dabunt ad voluntatem et petitionem ipsius creditoris, sub dicta obligatione et pena et etiam quod dabunt dicto creditoris | unum alium bonum et ydoneum fideiussorem ad voluntatem et petitionem ipsius creditorem, sub dicta pena et obligatione. Actum Pistorii, in Porta | Caldatica, in cappella Sancti Pauli, coram Bonvertieri Guidi, Gratha Alamuccii, Guido Iacopi et Vanne | Belli, testibus ad hec rogatis. Sub anno Domini a nativitate MCCLXXXXVI, indictione X, die VIII septembris.
Postea vero eodem anno, mense et indictione, actum in Serravalle, coram Berto Gherardi et Martino Ra|faonis testibus ad hec rogatis, domina Vendemia uxor dicti Ugolini et filia condam Melii et domina Senese uxor | dicti Melliorati et filia condam Tancredi, de consensu et voluntate dictorum virorum ipsorum presentium et consentientium, lecto primo | eis dicto instrumento mutui, dicto istrumento et obligatione bonorum facte a dictis ipsorum viris, in dicto instrumento sponte consenserunt | et eorum parabolam dederunt et renuntiaverunt omni eorum iuri ypotece, donationis et dotis et cuilibet alii quod haberent in dictis bonis, | occasione dotium ipsarum vel alia quacumque de causa, certificate possessio de iure ipsorum a me Paulo notario infrascripto.
(SN) Ego Paulus condam Stancolli imperiali auctoritate iudex ordinarius atque notarius predictis omnibus rogatus interfui | et publicavi fideliter.
a. Ugolinus-et e Mellioratus-consentientis occupano la prima metà delle righe 1-2, uniti da una graffa a mo’ di elenco
stampa